蘭州人的味道：金順蘭州拉麵

蘭州人食麵有「一清、二白、三紅、四綠（甚至五黃）」，即「湯底清、蘿蔔白、辣椒紅，蔥花綠（同麵條黃） 」的準則；五香牛肉撈麵，未能一嘗其一清二白，不過青瓜絲跟胡蘿蔔絲切得纖長、幼細分明，跟纖幼的麵條撈在一塊吃，應該十分匹配、滋味非常…

正在撈吓撈吓、搞吓搞吓之際，老闆娘似乎察覺我「神色有異」，閃過來，用唔鹹唔淡既廣東話問我 ：「你做乜猶疑唔落辣油呀？」

「猶疑」二字，好有「威脅性」：我的確在想，先試原味，後試辣味。

老闆拉了最 standard 的「三細」：粉團應該雪過，失去「好彈」的感覺（幸仍有少少彈…），絕對情有可原 - 一來兩地天氣有異，就算不雪入雪櫃，就算用上同樣的粉，酵性、筋性已經截然不同 - 何況用的水用的工具已大不同…

二來，人流暢旺，唔預先整定，做死老闆咩。

五香牛肉雖然「冰」得很，但切得細長，有很濃的陳皮香，加上黝黑的陳醋，十分解渴，十分搭配。

雖嫌辣椒油炒得太幼細，但絕非一般境內之物…辣椒油香之外，最緊要，係食完條脷曉「麻」。

唔係唔想組團去，係唔可能組團去：閒日都 full house（只得十多個位）。

下回決戰蒜香羊肉、用孜然粉烤的蘭州雞肉串…仲有佢個一清二白牛骨湯。

金順蘭州拉麵
香港新界屯門青山公路351號彩華花園地下20號舖
(852) 2457-0677