二胡變馬經：德發茶樓

一心來找上次經過時拉二胡的阿叔。

一推門，換來片刻鴉雀無聲。
… 。
靚妹唔俾飲早茶架？

閃到一旁坐下。甫定神，聽一男音響起：

「鮮竹卷…」

拿著托盤的阿叔經過。

「阿叔，有乜好食架？」

阿叔背著我，如孤魂野鬼般經過。

「阿叔…」我拍拍他的手肘。

他轉過頭來，目光呆滯般望著我。

「阿叔…有乜食呀…？」

他繼續呆滯般望著我。

「乜粉都有。」
呀？

見隔離阿伯趴緊碟好吸引的齋腸。

「有無齋腸？」

阿叔放低咗碟蝦腸，舀咗羹豉油，走咗

…？

另一個阿叔，抱住兜批到白雪雪既子薑，成九十度角橫過。

…。
莫非我幻聽？

正在趴碟蝦腸時，男音又起：

「鮮竹卷…」
「啪。」

早唔早，遲唔遲，就咁就食到粒砂。
一望過去，有檯叔叔嬸嬸在打牙骹。
「鮮竹卷鮮竹卷…讀歪啲咪『輸足錢』囉！」
「唉，改壞名。」

吓？

「依家曾志偉匹馬…」

…晃然大悟。

正在沾一啖香片的時候…
「唉，仲貴過食支雪茄。」

又乜呀？

「馬會唔肯俾錢吖嘛，梗係仲貴過食支雪茄啦。」
「你諗吓，大拿拿九百蚊一隻馬噃…」
「咪係囉，啲伙記都要食架…」
「你諗吓，如果你有十隻馬，每個月要俾成九千幾蚊租…」

咁都得？

埋單時，靚姐同班高人搭訕：「今期邊個中呀？」
「中…梗中架。」

咁大口氣？

成班馬迷齊聲道：
「馬會中吖嘛，梗中架！」

……。

德發茶樓
香港新界大埔大埔墟廣福道5號地下
(852) 2656-2398